LEGAZPI CITY—Posible suboot na mag-trigger nin phreatic eruption an presenteng nairerehistrong pagdugang sa seismic activity sa Bulkang Bulusan sa provincia kan Sorsogon.
Magigiromdomang nakapagrehistro na nin nasa 442 volcano-tectonic earthquakes an bulkan puon kan Mayo 18 hasta sa ngunyan.
Segun ki Philippine Institute of Volcanology and Seismology Chief Volcano Monitoring and Eruption Prediction Division, Mariton Bornas, sa intrevista kan Bombo Radyo Legazpi, ini an huli kan kadakol na nairerehistrong volcano-tectonic earthquakes na kun sain naiistorbo an hydrothermal system kan bulkan na nagreresulta sa steam-driven o phreatic eruption; siring man na posibleng may koneksyon ini sa tectonic events o sa mga moderately-sized earthquakes sa Masbate, na segment kanPhilippine Fault Zone.
Pagdoon man kan opisyal na komon na an nangyayaring paghalangkaw sa volcano earthquakes kan bulkan, alagad puon kan itinaas ini sa Alert Level 1 an igwa nin nasusustenir na volcanic activity na nauuli sa phreatic eruption.
Dugang ni Bornas na padagos an saindang komunikasyon sa mga ahensya de gobierno asin nagpatanid sa huma kan phreatic eruption.
Ini an kun sain pwedesir magdara nin volcanic hazards siring kan pyroclastic density currents, ballistic projectiles, lahar flow, asin iba pa urog na ngunyan na naeeksperyensyahan na an tag-uran.
