LEGAZPI CITY-Record breaking si Jhon Laurence E. Espaldon kan Jaime G. Espena National High School kan banwaan kan Sorsogon ngani masungkit an gintong medalya sa Palarong Pambansa 2026.
Segun kay Sorsogon Schools Division Office Sports Division Officer Rex Barbin, sa intrevista kan Bombo Radyo Legazpi na primerong sabak ni Espaldon sa Palarong Pambansa alagad record breaking ini.
Nakuwa kaya ni Espaldon an astounding throw na nasa 62.48 meters asin nalagpasan an record na 59.90 meters para sa Javelin Throw.
Sinabi ni Barbin na dati nang nag-intra na man si Espaldon sa Batang Pinoy National Championship.
Dagdag pa kan opisyal na nagin susi sa trayumpo an paagi kan regional office asin provincial government na magkaigwa nin bente dias na concentrated training.
Nasa kabilugang 57 na mga delegado an gikan sa Sorsogon, kaiba an haros 12 coaches asin anom na 6 trainers.
Nagin stratehiya man ini kan grupo asin coaches ninda na magin aktibo asin sistematiko makalihis an school hours kun sain pigsasanay an mga atleta bago pa man an kompetisyon.
