LEGAZPI CITY-Nagbunga ang pinaigting na kampanya kontra-insurhensya ng PNP Sorsogon matapos sumuko ang dalawang miyembro ng Communist Terrorist Group (CTG) sa probinsya.
Kinilala ang mga dating rebelde bilang si alyas “Sison” na miyembro simula noong 1972 at residente ng Pilar, Sorsogon at isa pang 48-taong-gulang na babae na hindi nabanggit kung papano na-recruit.
Ayon kay Sorsogon PPO Public Information Officer Police Major Arwin Destacamento, sa isang panayam sa Bombo Radyo Legazpi, na dahil ito sa patuloy na kampanya laban sa mga teroristang grupo ay nagresulta sa pagsuko ng dalawang dating miyembro ng CTG sa probinsya.
Sinabi rin ng opisyal na simula nang ilunsad ang (E-CLIP) Program, mahigit 200 dating rebelde ang nagbalik-loob sa gobyerno.
Simula Enero, mahigit 60 dating rebelde rin ang nairehistro noong nakaraang taon.
Nagsasagawa rin sila ng mga integration program para sa mga sumukong rebelde kung saan binibigyan sila ng mga benepisyo tulad ng mga benepisyo sa kalusugan, pabahay, o maging mga insentibo.
Ipinagpapatuloy din ng probinsya ang mga programa nito at hinihikayat ang mga miyembro nito na sumuko para sa mas magandang buhay para sa kanilang mga pamilya.
