LEGAZPI CITY – Dinagsa kan mga boluntaryong blood donors an isinagibong Dugong Bombo 2026 kan Bombo Radyo Legazpi ngonian na Sabado, Nobyembre 14, sa ikaduwang palapag kan Pacific Mall sa Legazpi City.
Nagin matrayumpo an naunambitang bloodletting activity na igwang temang A Little Pain, A Life to Gain, sa tabang kan manlaen-laen na partner organizations asin mga indibidwal na nakisumaro sa kampanya.
Nagpasalamat man an Bombo Radyo Philippines sa gabos na donors asin partner organizations na nagpaabot kan saindang suporta asin naging parte kan aktibidad.
Pigdoon man kan estasyon an importansiya kan boluntaryong pag-donate nin dugo, huli ta an kada donasyon, pwedesir makatabang tanganing makaligtas nin buhay, partikular sa mga pasyente na nangangaipo nin tulos na pagsalin nin dugo.
Sa paagi kan taunan na programa, liwat na naipahiling an espiritu nin pagkakasararo asin pagmakulog kan mga Albayano sa kapwa, sa paagi nin sarong simpleng lakdang na pwedeng magkaigwa nin dakulang epekto sa buhay nin iba.
