LEGAZPI CITY-Nakalaog an mga programa kan Bombo Radyo Philippines bilang finalists para sa 48th Catholic Mass Media Awards ngonian na taon.
Kabale sa Best News Program an Bombo Network News, asin an Bombo News and Views Morning Edition kan Bombo Radyo Cebu.
Best Educational Program naman an Good Morning Philippines kan Bombo Radyo Iloilo asin an programang It’s All For You in the Morning kan Star FM Dagupan.
Kabale man sa Best Counseling Program an Ang Pamilya Karon kan Bombo Radyo Bacolod asin an programang Kahapon Lamang kan Bombo Radyo Vigan.
Yaon man bilang Best Drama Program an programang Sarming Ti Biag kan Bombo Radyo Vigan.
Laog man bilang Best Business News an Coffee for Peace kan Bombo Radyo Philippines.
Best Entertainment Program naman an programang It’s All For You in the Morning gikan sa Star FM Bacolod.
Mantang Best News Feature an Virgin’s Well of Manaoag asin Where Faith Finds Healing gikan man sa Bombo Radyo Dagupan.
Padagos na nagtataong pasasalamat an bilog na estasyon sa mga-KaBombo asin Ka-Star Nation na nagaantabay sa samuyang mga programa.
An honrang ini an bilang pigtataong pugay sa padagos na suporta kan gabos na mga paradangog sa Bombo Radyo Philippines.
