Nagkawsa nin emergency response an banggaan nin sarong tanker asin cruise ship sa Mississippi River harani sa Port of New Orleans sa Louisiana, United States.
Nangyari an insidente kasuodma, Nobyembre 13, dakong alas-12:30 nin udto kan magsalpok an Atlantic Asphalt tanker sa American Heritage kan American Cruise Lines mantang nakadaong ini sa salog.
Pinagkakarkulong 87 katao an nakaluwas sa cruise ship mantang nagpopoon na ining maglubog.
Tulos na nagresponde an mga rescue team asin iba pang lunadang pandagat tanganing iligtas an mga pasaherong nasa tubig.
Kinumpirma man ni New Orleans Mayor Helena Moreno na gabos na pasahero an natunton asin warang nasawi.
Wara man ki nairehistrong kritikal an kamugktakan sa 32 na indibidwal na naospital.
Padagos an imbestigasyon kan mga awtoridad manungod sa insidente.
