Pigpahayag ni House Deputy Speaker Representative Janette Garin an pagkabigla sa nagin pagtestigo kan pirang saksi na pigpresentar kan depensa ni Vice President Sara Duterte sa impeachment trial.
Segun ki Garin, garo nahirapan an pirang testigo na ipagtanggol asin tawan-katwiran an mga isyu na piglatag sainda durante kan paghapot.
Aniya, difisil ipagtanggol an mga bagay na wara suboot nin sapat na maipapaliwanag, kaya naheherak man siya sa sitwasyon kan mga testigo na kaipuhan magsimbag sa mga hapot kan mga senador asin kan lado kan prosekusyon.
Dugang pa ni Garin, mas nagin kapansin-pansin an sitwasyon huli ta imbes na makatabang sa depensa kan Bise Presidente, garo lalo pang napakusog kan pirang testigo an mga ebidensya na pigpresentar kan prosekusyon.
Huli digdi, napahapot si Garin kun totoo na nakatabang sa lado ni Duterte an mga testigo na pigpresentar kan depensa, o kun lalo sana nindang pinatibay an mga alegasyon na inaatubang kan Bise Presidente.
Marurumdoman na nagpoon an presentasyon kan depensa sa impeachment trial kan Nobyembre 9, kasunod kan pagtatapos kan presentasyon kan mga ebidensya asin testigo kan prosekusyon,
Piglalaoman na magpapadagos an impeachment trial sa Nobyembre 19, 2026.
