Kinuwestiyon ni House private prosecutor Atty. Lorna Kapunan an awtorisasyon kan ikaapat na witness kan defense team ni Vice President Sara Duterte na si Atty. Suzette Balucanag-Punay na magtestigo sa impeachment trial.
Nangyari ini makalihis ipabisto kan depensa si Balucanag-Punay bilang corporate counsel kan Gencorp Industries, Inc. asin Metro City Chow Foods Corporation, duwang kumpanya na pig-uugnay sa Bise Presidente.
Sa saiyang manifestation, hinapot ni Kapunan kun igwa nin kaukulang board resolution hale sa duwang kumpanya na nagtatao ki Balucanag-Punay nin awtoridad na magtestigo sa impeachment proceedings.
Giit ni Kapunan, kun wara nin arog kaining awtorisasyon, kukuwestiyunon kan prosekusyon an kapasidad kan testigo na magtaram para sa duwang kumpanya.
Bilang simbag, sinabi kan defense counsel na si Atty. Justin Nicol Gular na maghampang an testigo sa paagi nin virtual appearance susog sa subpoena na pinaluwas kan impeachment court.
