Piglinaw ni Gencorp Industries, Inc. in-house counsel Atty. Suzette Balucanag-Punay sa Senate Impeachment Court na wara nin shareholdings si Vice President Sara Duterte sa kumpanya basado sa 2022 General Information Sheet (GIS).
Binasa niya an mga direktor na nakalista na sinda Kimberly Justin Cruz, Saiger Sario, Richie Evet Cruz, Dina Fema Sinadyong, asin Girly S. Dela Cruz.
Kan hinapot siya kun gurano ka-accurate an deklarasyon sa GIS basado sa saiyang personal na kaaraman asin corporate records, nag-object an prosekusyon.
Segun ki Atty. Kapunan, bako si Punay an corporate secretary asin bako siya an nagpreparar kan GIS kan 2022 hasta 2025, kaya dai siya an tamang testigo para magpahayag manungod sa accuracy kaini.
Pigtawan-duon kan prosekusyon na dapat corporate secretary an magpresentar kan mga dokumento, bako an in-house counsel.
Nagpahayag man an prosekusyon nin pagduda sa kapasidad ni Punay na magpatotoo para sa Gencorp.
