LEGAZPI CITY-Arestado an sarong lalaki makalihis na masabat an darang kontrabando sa Matnog Port, sa probinsya kan Sorsogon.
Segun kay Matnog Municipal Police Station Chief of Police Police Captain Wilfred Lloyd Berdin, sa intrevista kan Bombo Radyo Legazpi na nasabat ini sa screening sa pantalan an kahina-hinalang item kun kaya tulos na pinaki-olayan an suspek na buksan an dara kaining bag.
Kun sain tuminambad sa bag an marijuana asin sarong glass tube.
Dugang pa ni Berdin na bako na ini bago sa lugar kun sain pantulong kaso na ini kan mga nakuwang kontrabando sa screening pa sana.
An nabanggit na suspek, gikan pa sa Cavite kaiba an saiyang pamilya, na mabiyahe kuta pasiring sa Visayas.
Mahigot man an pigpapaotob kan PDEA asin Coast Guard an seguridad sa pantalan kun kaya dai suboot makakalusot an siring kaining mga kontrabando sa pantalan.
Sa presente, pigpreparar na an mga dokumento para sa kaukulang proseso kan suspek na nagbabayolar sa kasong possession of drugs and paraphernalia kan Republic Act 9165 o an Comprehensive Dangerous Drugs Act of 2002.
