LEGAZPI CITY—Arestado an sarong wanted person sa ginibong Manhunt Charlie Operation kan mga otoridad sa Sorsogon City.
Binisto an suspek na si Alyas “Jack”, 52-anyos, may agom, asin sarong bus driver.
Nahahampang sa kasong pagbalgar sa Republic Act 7610 o Special Protection of Children Against Abuse, Exploitation and Discrimination Act, na may pigrekomendang piyansa na P80,000 para sa paramientras na libertad.
Sa presente nasa kustodiya na kan Sorsogon City Police Station para sa magkakanigong dokumentasyon.
