LEGAZPI CITY-Nangapudan si Senator Erwin Tulfo na tuluyan nang tapuson kan Senate Blue Ribbon Committee an imbestigasyon sa suboot maanomalyang flood control projects sa oras na makabalik sa nacion an dating kongresista asin puganteng si Elizaldy Co.
Ini makalihis na maarestar si Co sa Czech Republic mantang pig-porbaran na makaduman sa boder nin warang dokumento.
Segun kay Tulfo, importanteng masarado na an imbestigasyon ngani makapag-pokus an gobierni sa iba pang problemang pigkakahampang kan nacion.
Dagdag pa niya, mantang importante na matugunan an krisis sa langis huli sa tensyon sa Middle East, dai dapat malingawan an paninimbagan sa isyu kan flood control.
Marurumduman na sa nakalihis an semana, inanunsyo ni President Ferdinand Marcos Jr. an pagkakaarestar kay Co, apat na bulan makalihis na kanselahon an saiyang pasaporte asin haros sarong taon na an nakakalihis poon kan magluwas siya sa nacion kan Hulyo 2025.
Nahahampang si Co sa mga alegasyon na pagtanggap nin bilyones an kickbacks hale sa mga kontratista sa flood control projects asin sa Department of Public Works and Highways.
Sinangatan man siya nin warrant of arrest hale sa Sandiganbayan katakod kan kasong graft asin malversation.
