Inagyat ni Senate Minority Leader Alan Peter Cayetano si Senator Panfilo “Ping” Lacson na imbestigaran man an flood control projects sa iba pang distrito sa nacion ngani na maibitaran an alegasyon nin “Selective justice.”
Segun ki Cayetano na posibleng pumili si Lacson nin duwa o tulong lugar afuera sa Taguig asin Davao asin isairarom an mga ini sa parehong imbestigasyon.
Pagduon kaini na dakol na mga distrito sa nacion an igwang flood control projects asin bako sana sa mga lugar na konektado sa nagkapirang personalidad dapat nakatuon an imbestigasyon.
Kasabay kaini, ipinagtanggol ni Cayetano an flood control efforts sa Taguig, kun sain dakula suboot an ibinaba kan hewas kan mga lugar na dating komon na bahaon.
Mientras tanto, sinabi ni Lacson na nagsumiter na siya asin an saiyang team sa office of the Ombudsman na dae mababa sa 45 case studies na may kalakip na official documents kan suboot systemic anomalies sa flood control projects sa Taguig.
Kinumpirma man kan Ombudsman an fact-finding investigation sa mga alegasyon.
Segun ki Cayetano na dapat nakatuon an mga opisyal sa pagresolbar kan problema asin bako pagpapalala kaini huli sa partisan disputes.
