Nairido an 46 na katao makalihis magsalpukan an duwang pampasaherong tren harani sa pangenot estasyon nin tren sa Prague, Czech Republic.

Naganap an aksidente bandang alas-7:00 nin aga, kun sain kabali sa mga nagsapar nin grabeng pinsala an duwang drayber kan tren.

Sa ibong kaini, wara nin nairehistrong nasawi sa insidente.

Tulos na nagresponde an mga rescue personnel asin emergency services tangani iligtas an mga pasahero asin tawan nin paenot na lunas an mga nalugadan.

Uminabot nin haros duwang oras an operasyon antes nailuwas an gabos na lunad kan duwang tren, asin 16 na dayuhang namamanwaan an kabali sa mga isinugod sa ospital.

Kinumpirma kan pulisya na kumpleto na an rescue operation asin pigpoonan na an masusing imbestigasyon tangani matukoy an eksaktong kawsa kan banggaan, mantang temporaryong naapektaran an operasyon kan ibang tren pasiring asin paluwas sa kabisera.