Kinumpirmar kan sarong prosecution witness na dae kaiba si dating House Speaker asin Leyte Representative Martin Romualdez sa listahan kan mga proponent kan flood control projects na may kinaaraman sa suboot P7.4 bilyong plunder case.
Durante sa pagdangog sa Sandiganbayan Third Division, sinabi ni DPWH Engineer Carlo Rivera na nakolekta asin naihatod niya an suboot P5 bilyones na commitment fees o kickbacks hale sa mga kontratista kay dating DPWH Bulacan First District Engineer Henry Alcantara na sunod na ipinasa kay dating Ako Bicol Party-list Rep. Zaldy Co.
Segun kay Rivera, si Co an nagdistribwir suboot kan pondo sa mga proponent kabale an saiyang sarili, si dating DPWH Undersecretary Roberto Bernardo, Senator Jinggoy Estrada asin dating Senator Ramon Revilla Jr.
Alagad, si Alcantara suboot an nagtao saiya kan listahan kan mga proponent.
Nangyari suboot an pagkolekta kan commitment fees poon kan 2022 hasta 2025.
