Sinusuri na kan Malacañang kun arin sa 13,917 flood control projects na ginibo kan nakalihis na administrasyon an dae nagin epektibo sa pag-iwas sa pagbaha.
Simbag ini ni Palace Press Officer USec. Claire Castro katakod sa kun may assessment na ang Malakanyang sa mga flood control projects na dae nagggana kasunod kan mahewasang pagbaha sa Metro Manila.
Segun ki USec. Castro, pighahalat ninda an report asin datos hale sa DPWH kung hain an mga proyekto, kung gumagana an mga ini, asin kun may mga ghost o substandard projects.
Binanggit ni Castro ang Sunog Apog pumping station bilang sarong proyektong dating bako maayos ang pagkakagibo alagad napakarhay asin napagana matapos ang intervention asin pagkukumpuni.
Ipigdoon ni Castro na kaipuhan an pagtatabangan kan gobyerno asin publiko nganing matugunan ang problema sa pagbaha.
Padagos an mga proyekto kan DPWH nganing tugunan ang mga kakulangan sa drainage, pumping stations asin waterways.
Siring man, nawawaran nin saysay an mga ini kun padagos na pigtatapok an basura sa mga estero asin daluyan kan tubig.
