Target kan House Committee on Justice na tapuson sa Abril 29 an pagdangog sa impeachment kontra ki Vice President Sara Duterte.
Segun ki Lanao del Sur Rep. Zia Alonto Adiong, na miyembro kan justice panel, madali nang makumpleto an pagtitipon nin ebidensya mantang nakatalaan an huring pagdangog sa Abril 22 asin 29.
Oras na matapos na, posibleng isumiter an report kan komite sa plenaryo sa pagbabalik kan sesyon sa Mayo 4, sarong lakdang na pwedesir na magbukas sa posibleng paglilitis sa Senado.
Paliwanag kan lehislador na maagi pa sa debate asin pag-aadal kan mga lehislador an report, kun sain sisimbagon man kan sponsor na si House Justice Committee chair Rep. Gerville Luistro an mga kahaputan.
Tinawan duon kan kongresista na papel kan Kamara na maaraman kun igwang “probable cause,” asin bako an magdesisyon kan pagkakasala.
