Kinontra kan National Citizens’ Movement for Free Elections (Namfrel) an propwesto na i-octaba an Barangay and Sangguniang Kabataan elections (BSKE), na nakatalaang gibuhon sa Nobyembre 2.
Ini an nganing i-realign suboot an mga pondo nganing masimbagan an padagos na krisis sa langis.
Sa sarong pahayag, sinabi kan election watchdog na an pag-octaba kan local election an nagkakawsa nin seryosong huma sa mga pundasyon kan demokrasya kan nasyon kun kaya dapat tulos na ibasura an nasabing proposal.
Segun pa sa Namfrel, an BSKE an bako “discretionary event” o optional event na dapat i-octaba para sa kapakinabangan kan mga nasa poder.
Kundi sarong konstitusyonal na obligasyon asin demokratikong diretsos kan namamanwaang Pilipino.
Sinabi man kan grupo na an pag-divert kan mga pondo para sa mga preparasyon sa local elections pasiring sa ibang serbisyo kan gobyerno an sarong tahasang akto nin “institutional sabotage.”
Malinaw suboot na pagbalgar sa ley sa irarom kan Article VI, Section 25(5) kan Constitution an pag-divert kan resources kan Comelec nganing mapugulan an pirilian, na nagbabawal sa pagtransfer kan budgetary funds.
Saro man suboot na delikadong precedent o basehan an siring na lakdang nganing i-override kan ehekutibo an independensya kan electoral body.
Sa hudyan, nanindugan an Namfrel na dapat tawan nin deretsos an lambang botante na magpili kan saindang mga barangay asin SK officials nin regular asin warang pagka-octaba.
Magigirumduman na dati nang pig-oktaba an BSKE poon Disyembre 1, 2025 pasiring sa Nobyembre 2 huli sa Republic Act No. 12232 nganing ma-akomodar an parliamentary elections sa Bangsamoro Autonomous Region in Muslim Mindanao.
 has opposed the proposal to postpone the Barangay and Sangguniang Kabataan (BSKE) elections, scheduled for November 2.){kind=link}