LEGAZPI CITY—-Sarong 18-anyos na estudyante an nabangga kan sarong delivery truck sa Barangay Zone 4, Bulan, Sorsogon.
Segun ki Bulan MDRRMO Responder Gerald Grafilo, sa intrevista kan Bombo Radyo Legazpi, an biktima residente kan Barangay Zone 2 kan nasambitang lugar.
Tulos man na nagresponde sa aksidente an mga personahes kan MDRRMO Team Charlie, kasabay an Philippine Coast Guard Bulan, Bulan Municipal Police Station, asin Public Safety Office.
Dinara ini sa Bulan Medicare Hospital para sa asistensyang medikal.
Dugang kan opisyal na nagsapar nin mga gasgas sa hita, tuhod asin bitis an biktima.
Mientrastanto, nagpagiromdom man ini sa publiko lalo na sa mga estudyante na mag-ingat sa pagbalyo asin paglakaw sa mga tinampo.
