Dae maatendir si dating Presidente Rodrigo Duterte sa enot na status conference kan saiyang kaso sa International Criminal Court (ICC) na nakatalaan sa Mayo 27, 2026.
Ini makalihis na opisyal na magsumiter an saiyang legal team nin “Defence Notification of Mr Duterte’s Signed Waiver to Appear at the First Status Conference” sa ICC Trial Chamber III kan Mayo 25.
Basado sa dokumentong ipigsunad kan lead counsel na si Atty. Peter Haynes, tinugutan suboot ni Duterte an saiyang mga abogado na magrepresentar asin mamayo sa gabos na procedural matters katakod kan pagdangog.
Segun sa depensa na nagtitiwala an dating presidente sa saiyang legal team ngani na maresolberan an mga isyu na tutukaron sa status conference, kaibanan an iba pang posibleng isunad sa pagdangog.
An pagsusumiter sa waiver an basado sa direktiba kan ICC Trial Chamber kan Mayo 22 na nagtataong dalan sa depensa na magsumiter nin pormal na written waiver antes an Mayo 25.
Papangenotan an status conference ni Judge Joanna Korner kaibanan sinda Judge Keebong Paek asin Judge Nicolas Guillou.
