LEGAZPI CITY—Nakaguno na nin pirang medalya an provincia kan Catanduanes katakod kan nagpapadagos na Palarong Pambansa 2026 sa Agusan Del Sur.
Segun ki Schools Division Office Catanduanes Division Sports Coordinator Fidel Vegim, sa intrevista kan Bombo Radyo Legazpi, kabale digdi an pilak na medalya para sa Chess Elementary Girls Blitz Team Event asin boxing.
Obheto ngunyan kan provincia na makapag-uli nin gintong medalya para sa boxing asin chess.
Dugang kaini na nasa 18 atleta gikan sa provincia an nagpartisipar sa Palarong Pambansa 2026 siring kan softball, weighlifting, boxing, swimiming asin chess.
Kumpiyansa man si Vegim na makakua sindang bulawan na medalya sa boxing na dati nang silver medalist an atleta digdi sa nakalihis na Palarong Pambansa.
Pangapudan man kan opisyal na padagos na suportaran an mga atleta kan Bicol na nagkakawat sa Palarong Pambansa 2026.
