LEGAZPI CITY—Pangapudan ngunyan kan Magapo Elementary School sa Tabaco City, an kadugangang mga electric fan sa temporary learning space kan mga estudyante huli sa labing init kan panahon urog na ngunyan na mapuon liwat an Balik-Eskwela.
Segun ki Magapo Elementary School Principal Ma. Cecilia Borjal, sa intrevista kan Bombo Radyo Legazpi, na nagtatagos an init sa mga temporary classrooms asin huli man na bako mahibog an mga bubong kaini.
Segun saiya na puon alas-10 nin aga hasta alas-3 nin hapon an namamati ninda an init kaya ini an saro sa saindang kadifisilan na pigkakahampang kan mga estudyante asin paratukdo.
Sa presente kamawotan ninda na magkaigwa nin stand fan sa kada classroom nganing maski papano igwa nin ventilation an laog kan lugar.
Nagmamawot man an opisyal na may mga indibidwal na makapagtao nin payong asin tumbler para sa mga estudyante kan Magapo ES.
Mientrastanto, mapuon an Brigada Eskwela 2026 magin an enrollment sa Hunyo 1-5; mantang mapuon an klase sa Hunyo 8, 2026.
