LEGAZPI CITY – Wara nang buhay an sarong babae mantang irido man an kaibahan kaining lalaki makalihis na mahuulog sa sarong bangin sa Barangay Inlagdian, Casiguran, Sorsogon.
Segun ki Bureau of Fire Protection (BFP) Casiguran Duty Emergency Medical Services Personnel Fire Officer 1 Jeff M Deterala sa intrevista kan Bombo Radyo Legazpi na ipinaabot kan Municipal Disaster Risk Reduction and Management Office (MDRRMO) Casiguran sa saindang opisina an an nangyari asin naghagad nin backup sa pagsalbar sa mga biktima.
Pag-abot suboot ninda sa lugar kan insidente an matrayumpo nang nakuwa kan mga personahes kan MDRRMO an 28-anyos na lalaki na warang malay mantang pigtarabangan ninda na makuwa an hawak kan 21-anyos na babae na wara nang buhay asin nasa state of decomposition na.
Basado man sa pa-enot na imbestigasyon kan mga otoridad an napag-araman na nag-hike an pigtutubudang mag-ilusyon sa station of the cross kan nakaaging dominggo pa asin posibleng nag-overshoot an pigsasakayan nindang motor na nagresulta man sa saindang pagkakahulog sa bangin.
Dugang pa kan opisyal na pwedesir na inabot na nin 24 sagkod 36 oras na nasa bangin na an mga biktima antes maka-abot sa mga otoridad an pangyayari mantang na-recover na man ninda an mga personal na gamit kan duwa asin an sinakayang behikulo.
Marikas man na idinalagan sa hospital an lalaki nganing tulos na matawan nin medikal na atensyon asin nagpaparahay na sa ngonian.
Ini na suboot an enot na malalang insidenteng nairehistro sa banwaan na saindang narespondehan asin nagmamawot na dae na madugangan pa urog nang paparani na an kapaskuhan.
Pagirumdom ni Deterala sa mga motorista na mag-ingat sa pagmamaneho nganing malikayan an ano mang klase nin aksidente.
