Kinumpirmar ni Assistant Ombudsman Mico Clavano na opisyal nang naresibe kan Office of the Ombudsman an partial committee report hali sa opisina ni dating Senate Blue Ribbon Committee Chairperson Panfilo “Ping” Lacson.
Laog kan report an resulta kan imbestigasyon dapit sa maanomalyang flood control projects sa nacion.
Segun ki Clavano na an impormasyon na nakapalaog an tulos na ipapasa sa mga case team na nagkakapot sa manlain lain na flood control cases para pag-aadal asin aksyon.
Partikular na binanggit sa report an mga pangaran ninda Senador Francis Escudero, Joel Villanueva, asin Jinggoy Estrada.
Kaibanan man sa mga pinangaranan sinda dating Senador Ramon “Bong” Revilla Jr., Leyte Rep. Martin Romualdez, asin dating House Appropriations Committee Chair Rep. Elizaldy Co.
Ipigrekomendar kan komite na isairarom an nasabing mga personahes sa preliminary investigation, fact-finding investigation, o casebuildup.
Ini an huli sa posibleng pagbayolar sa ley siring kan direct bribery, anti-graft and corrupt practices, asin plunder.
