LEGAZPI CITY- Pigkokunsiderar na hudyat kan pagbubukas kan klase an pagkakaigwa nin brigada eskwela sa mga eskwelahan sa nacion.
Ini an katakod kan nakatalaan na brigada eskwela na mapuon sa Hunyo 1 asin madurar hasta sa Hunyo 5.
Segun ki Albay Schools Division Office Spokesperson Froilan Tena sa intrevista kan Bombo Radyo Legazpi na obheto kan aktibidad na magkaigwa nin kamalayan an komunidad na madali na naman an panibagong school year.
Huli digdi, inenganyar kan opisyal an publiko na makisumaro sa isasagibong brigada eskwela o an boluntaryong paglilinig sa mga eskwelahan.
Magiging parte kan akibidad an pagpipintura, pag-irahay kan mga classrooms asin iba pang kagamitan, asin an pagpreparar kan gabos na kaipuhan kan mga estudyante.
