LEGAZPI CITY-Nagpatanid si Department of Education (DepEd) Secretary Sonny Angara na mahahampang sa expulsion an mga estudyante na napatunayang nambully nin kapwa ninda estudyante.
Segun sa Kalihim na ini an nakalaag sa bagong polisiya kan DepEd.
Isinagibo ini makalihis an nangyaring pambubully kan nagkapirang estudyanteng lalaki sa kaklase nindang babayi sa Malinao, Aklan.
Sinabi ni Angara na adbokasyia na an pagprotekta sa mga jovenes, orog na kan nagin Kalihim siya kan DepEd.
Dagdag pa niya na basado sa DepEd Order 006 kan 2026 o an ESMLE Policy na saindang mas pinahigot an kasimbagan sa mga bullying incidents kaiba na an pagpataw nin expulsion asin posibleng disiplinary actions.
Pigsierto man niya na saindang papanimbagon an sisay mang mapatunayang nagbabayolar sa ley.











