Napirmahan na ni Justice Secretary Jesus Crispin Remulla ang enot na batch kan Immigration lookout bulletin order (ILBO) laban sa mga contractors asin mga opisyal kan Department of Public Works and Highways (DPWH) na imbuelto sa anomalya sa flood control projects.
Segun ki Justice Spokesperson Mico Clavano na an mga inisyal listahan an basado man sa kahagadan ni Senator Rodante Marcoleta gikan sa Senate Blue Ribbon Committee.
An masunod na batch an pwedesir mapirmahan sa aldaw kan Huwebes an listahan kan hinagad ni DPWH Secretary Vince Dizon.
Enot nang inanunsyar ni Dizon na naghagad ini nin pagpapaluwas kan immigration lookout bulletin order laban sa mga personalidad na imbuelto sa ‘ghost’ flood control projects.
Nagkapira sa 20 personalidad na mawot ni Dizon na maibugtak sa irarom kan Immigration lookout bulletin order an mag-agom na Discaya, Wawao Builders general manager Mark Allan Arevalo asin iba pa.
An immigration lookout bulletin order an nagsusugo sa mga immigrations officials na imonitor an paghiro kan mga nasa listahan kan saindang pagluwas asin paglaog sa nacion.
Dae man pupugulan an mga nasa listahan kan Immigration lookout bulletin order na makaluwas kan nacion.
