LEGAZPI CITY-Pig-anunsyo kan Office of the Ombudsman na target kaini na isampa an kasong plunder kontra ki Senador Jinggoy Estrada ngonian na semana katakod kan sboot anomalya na flood control projects.
Segun kay Ombudsman Jesus Crispin Remulla, pipirmahan niya an impormasyon laban sa senador bago isumitir sa Sandiganbayan na piglalaoman na maisangat sa Huwebes.
Apwera sa plunder, kabali man an iba pang kaugnay na kaso kun sain enot nang ipigrekomendar kan Department of Justice (DOJ) an pagsangat nin kasong plunder, graft, asin direct bribery laban ki Estrada asin nagkapirang opisyal, kabale na si dating Public Works Secretary Manuel Bonoan.
Paliwanag ni Remulla na bahagyang naantala an pagsangat kan kaso huli ta kinaipuhan na i-adjust asin linawon an resolusyon ngani na mas magin solido an ipipresentar na impormasyon.
Idinagdag kan Ombudsman na igwa pang ibang indibidwal na imbwelto sa kaso alagad posibleng gibohon na state witness an nagkapira sa mga ini huli ta importante an saindang testimonya sa imbestigasyon.
Mientrastanto, mahigot na pinahimutikan ni Estrada an anuman na pagkaka-imbwelto sa mga iregularidad asin nanindugan an saiyang kampo na warang ebidensiya na nagkokonekta saiya sa pigsasabing mga kickbacks.
