LEGAZPI CITY-Pormal nang pinirmahan kan Department of Justice (DOJ), Bureau of Customs (BOC), at National Bureau of Investigation (NBI), sa isang Tripartite Memorandum of Agreement (MOA) an sarong kasunduan ngani pakusugon an kampanya kontra ‘agri-smuggling’ sa nacion.
An mga pamayo kan mga ahensya—na sinda Justice Secretary Fredderick Vida, NBI Director Atty. Melvin Matibag, asin Customs Commissioner Ariel Nepomuceno—personal na nag-abot sa DOJ nganing pirmahan an nasabing kasunduan.
Obheto kaini na mapakusog an kolaborasyon kan mga ahensya sa paglaban sa agricultural smuggling sa nacion.
Segun ki Justice Secretary Vida, mabilog sinda nin joint task force na maasikaso kan koordinasyon, imbestigasyon, asin prosekusyon.
An kalihim nagpaluwas nin patanid sa mga smugglers asin mga tawohan kan gobierno na imbuelto sa mga ilegal na aktibidad na ini, na nagsasabi na sinda siertong kakasuhan kan ahensya.
An pagpirma kan kasunduan kan tulong ahensya, nasaksihan ni dating Justice Secretary na ngonian Ombudsman na si Jesus Crispin “Boying” Remulla.
Pigduon man kan Ombudsman na warang maiiligtas sa paninimbagan, ano man an posisyon, ranggo, koneksyon, o impluwensya.
Afuera saiya, si NBI Director Atty. Melvin Matibag asin si BOC Commissioner Ariel Nepomuceno, nagheras man nin mga pahayag sa saindang pagkomiter sa nasbaing inisyatiba.
