Naghahagad nin interbensyon ang Department of the Interior and Local Government (DILG) hale sa Supreme Court asin Kongreso nganing pakusogon an mga lakdang sa mga insidente nin pambabadil sa mga eskwelahan kasunod kan kaganapan sa Banga National High School sa South Cotabato.
Segun ki DILG Secretary Jonvic Remulla, mawot niyang tugutan kan Korte Suprema ang Philippine National Police (PNP) na magsagibo nin inspeksyon sa mga istaran an mga kwalipikadong may kagsadiri kan badil nganing masierto an tamang pag-iimbak nin mga armas.
Inihayag kan kalihim na sa tulong insidente kan school shooting ngunyan na taon, mga rehistradong badl na pagrugaring kan mga kawani kan gobierno an ginamit, kun kaya dapat magkaigwa nin direktang paninimbagan an mga gun owner sa tamang pag-iingat kaini.
Katakod kaini, nakikpagkoordinar na an DILG sa Department of Justice (DOJ) para sa isusunad na petisyon sa Korte Suprema, mantang nangangapudan man sa lehislador na amyendahan ang mga umiiral na ley sa gun ownership at liability.
Afuera sa orolay kan badil, mawot man ni Remulla na matugunan ang impluwensya kan social media asin mga online community siring kan “true crime” groups sa mga kajovenesan na posibleng nag-uudyok nin karahasan.
Nakatalaang makipag-olay an pamayuhan kan DILG sa Department of Information and Communications Technology (DICT) asin posibleng maghagad nin aksyon sa Kongreso para sa mas mahigot na proteksyon sa mga joven online, kabale an paglilimita sa social media access kan mga menor de edad.
