LEGAZPI CITY-Nagmiting sa Malacañang an mga pangenot na ahensya ngani busisihon an pagpapaotob kan direktiba ni President Ferdinand Marcos Jr. na pakaskason an implementasyon kan mga prayoridad na proyekto kan administrasyon.
Kaiba sa mga nag-atendir sa regular na assessment meeting ang Department of Agriculture (DA), Department of Transportation (DOTr), Department of Public Works and Highways (DPWH), Department of Education (DepEd), asin Department of Budget and Management (DBM).
Tinalakay kan mga ahensya an mga isyu sa paggamit kan budget ngani mabawasan an agwat sa pagultanan kan pondong nailuwas asin aktwal na nagagastos para sa mga proyekto.
Segun kay Executive Secretary Ralph Recto, uminabot na sa P1.287 trilyon an nailuwas na pondo para sa ikaduwang kwarter kan taon.
Tinawan doon man ni Recto na importanteng tulos na mamatean kan publiko an benepisyo kan mga programang pigpopondohan kan gobierno.
Segun saiya, igwa man liwat na parte sa gobierno an kulang an paggastos o “underspending” kaya kaipuhan nin tulos na pag-resolba digdi.
