Inirekomenda kan Department of Justice (DOJ) na kasuhan sinda Sen. Jinggoy Estrada, dating Public Works Secretary Manuel Bonoan asin pirang personalidad na sangkot sa suboot maanomalyang flood control projects.
Kabale sa mga kasong inirekomenda kan DOJ ang plunder, paglabag sa Anti-Graft and Corrupt Practices Act, direct bribery, receiving gifts by public officers, asin corruption of public officials.
Kabale man sa mga respondents sinda dating DPWH officials Bong Dinglasan, Engr. Denryl Caesar Cortuna, Asst. Engr Manny Bulosan, asin Engr. Arturo Gonzales Jr.
Ibinasura naman an reklamo laban sa namaaram na si dating DPWH undersecretary Catalina Cabral.
Dae man binale sinda dating DPWH officials Roberto Bernardo, Henry Alcantara, asin Gerard Opulencia sa isinapinal na criminal information
Segun ki Assistant Ombudsman Mico Clavano, nag-ugat ang resolusyon katakod kan reklamong isinunad kan National Bureau of Investigation-Department of Justice (NBI-DOJ) Public Works and Bid-Rigging Task Force.
Sakop suboot kan imbestigasyon ang iba’t ibang ebidensya kabale ang legislative records, Position Description Forms, asin sworn transcripts hale sa hearing kan Senate Blue Ribbon Committee kan Nobyembre 14, 2025, na nagdetalye suboot kan ilegal na pagmamaniobra asin sinasabing 30% cuts katakod kan regional flood control projects.
