Kinumpirma ni National Bureau of Investigation (NBI) Director Melvin Matibag na nagpaluwas nin subpoena an ahensya kontra sa nagkapirang mga personalidad katakod kan imbestigasyon sa nangyaring pambabadil sa Senado asin pagtakas ni Senator Ronald dela Rosa.
Kaibanan sa mga ipinaapod kan NBI si suspended Senate Sergeant-at-Arms Mao Aplasca, Pasay City chief of police Joselito De Sesto, deputy chief of staff ni Sen. Robin Padilla na si Jean Robles, asin tiyuhon kan senador na si Virgilio Carino.
Segun ki Matibag, importante na maimbestigaran an papel kan nasabing mga indibidwal ngani na maaraman an posibleng pagkukulang sa seguridad asin kun igwang paninimbagan sa insidente.
Dugang pa kaini na obheto kan subpoena na makakuwa nin malinaw na testimonta asin ebidensya na makakatabang sa pagbilog nin report dapit sa nangyaring kariribukan.
Binanggit man kan ahensya na an resulta kan imbestigasyon an isusumiter sa Department of Justice para sa aksyon kontra sa mga mahihiling na igwang paninimbagan.
