Nagpagirumdom an Civil Aviation Authority of the Philippines (CAAP) sa publiko na dae pagtutukan nin laser beams asin iba pang high-intensity lights an mga eroplano huli ta pwedesir ining magkawsa nin peligro.
Sinabi kan CAAP na an laser illumination an posibleng maka apektar sa panghiling kan piloto asin posibleng magkawsa nin paramientras na disorientation, na posibleng maka apektar sa salbado na operasyon mantang nasa ere o mantang papalapag.
Pigduon kan ahensya na mahigot na ipinagnbabawal sa irarom kan civil aviation regulations an pagpapailaw o pagtutok nin laser beams asin iba pang halangkaw na intensity light sa mga aircraft.
Kun mapapatunayan, posibleng umabot sa tulong taon na pagkakakulong an posibleng kahampangon kan nagkasala, multa na puon P50,000 hanggang P500,000, o depende sa magiging desisyon kan korte.
Nagpagirumdom man an ahensya sa iba pang mga ipinagbabawal na aktibidad harani sa erpuerto siring kan bako otorisadong pagpapalayog nin aerial objects, pag-aataman nin mga bayong na pwedesir na magkawsa nin bird strike, paglaog kan mga hayop sa airport premises asin pagtitindog nin imprastruktura na warang pahintulot.
Segun sa CAAP na an siring na aktibidad an pwedesir na maka apektar sa aviation communications asin navigation systems, kaya importante na sunudo an mga resulasyon ngani na maibitaran an aksidente.
