LEGAZPI CITY-Naglalaom an mga Tricycle Driver sa provincia kan Sorsogon nin asistensya sa gobierno huli sa na-eeksperyensyahang krisis sa presyo kan produktong petrolyo.
Sa pahayag ni Jose Corral, sarong Tricycle Driver sa provincia, sa naging intrevista kan Bombo Radyo Legazpi na sobra an pagtios kan mga driver sa saindang lugar huli sa mahigpit an regulasyon kun sain hanggang tulo sana an pasahero sa sarong tricycle.
Dagdag pa niya na an provincia an igwang pinakahibabang minimum kan pamasahe na nasa P12 sana.
Nasa alternate man suboot an saindang biyahe urualdaw asin ngonian agrangay ini huli sa coding.
Sinabi pa ni Corral na swertihan na sana kun igwa pang maiuli para sa saindang mga pamilya kun sain nasa P250 sa kada aldaw na sakto sana sa saindang pagkakan.
Agrangay ninda sa ngonian an matawanan nin ayuda huli ta mababanga pa an mga driver asin operator sa ayudang itatao huli ta saro sanang prangkisa an makakaresibe kaini.
Mientrastanto, wara pang linaw kun nuarin ninda ini mareresibe mantang pighihigusan na sana ninda an saindang pamamasada.
