LEGAZPI CITY-Nakalapag na sa Japan sinda Presidente Ferdinand R. Marcos Jr. asin First Lady Liza Araneta-Marcos para sa apat na aldaw na state visit.
Pasado alas 6:31 nin banggi kan Martes, Mayo 26 kan makaabot sa Haneda Airport an delegasyon kan Pilipinas.
Nakatalaan kaya na makipag-olay si President Marcos sa Filipino community makalihis na makaabot sa Japan.
Basado sa datos kan Department of Foreign Affairs (DFA), igwang 340,000 na mga Pilipino sa Japan poon pa kan taong 2025, an kabanga kaini mga permanent migrants,mantang an kabanga nagtatrabaho sa lado kan edukasyon, engineering, healthcare asin iba pa.
Tatanggapon naman sinda ni Emperor Naruhito asin Empress Masako sa Imperial Palace para sa sarong welcome ceremony asin state call.
Sa pagbisita ni President Marcos, bibisitahon man niya an business community, asin pagoolayan an nagkapirang mga posibleng kasunduan.
