LEGAZPI CITY-Ipigbuyagyag ni NBI Director Melvin Matibag durante kan impeachment trial na igwa nang mga persons of interest an saindang ahensya na posibleng magtukdo sa personang suboot naka-olay ni Bise Presidente Sara Duterte na isagibo an assasination ki Presidente Ferdinand “Bongbong” Marcos Jr., First Lady Liza Araneta-Marcos, asin dating House Speaker Martin Romualdez.
Magigiromdoman na an pahayag ni VP Duterte na kun may magadan saiya, an nakaolay niya suboot nagtugot na gadanon an enot na mag-agom asin an dating House speaker.
Segun ki Matibag, posible man na saro sa mga nasabing persons of interest, iyo an nakaolay mismo kan Bise Presidente.
Alagad, nagsayuma siyang ibuyagyag an saindang mga identidad ngani maprotehiran an mga impormante asin maibitaran na maapektaran an imbestigasyon.
An pahayag parte kan Article IV kan reklamo sa impeachment na nagtutukar kan mga suboot grave threats asin inciting sedition.
Dati nang sinabi kan NBI na an mga pananakot ni Duterte sarong “serious, active, asin continuing threat” na igwang potensyal na magtao nin aktuwal na banta sa national security.
Sa kagabsan, an pagluwas kan mga persons of interest nagtatao nin gabat sa imbestigasyon kan NBI asin pwedisir magin susi sa pagbuyagyag kan katotoohan sa likod kan mga alegasyon laban ki VP Sara Duterte.
