Nagsagibo nin ocular inspection an Sandiganbayan Third Division sa Quezon City Male Dormitory kun sain nakadetine si dating House Speaker Martin Romualdez.
Kaiba sa mga nagpasiring sa pasilidad sina Associate Justices Karl Miranda asin Fritz Bryan Anthony Makasiar Delos Santos tanganing mahiling kun nagsusunod an detention facility sa mga itinakdang kondisyon sa kasuguan kan korte kan Setyembre 10.
Nagpoon an inspeksyon sa pahayag kan kolumnistang si Ramon Tulfo na suboot nakakaluwas si Romualdez sa detention facility lunad nin ambulansya ano man na oras na gustuhon niya, alagad wara pang iniluluwas na konklusyon an korte manungod sa mga alegasyon.
Nagpahayag man si Ombudsman Jesus Crispin Remulla na magsasagibo siya nin surprise visit sa pasilidad kan Bureau of Jail Management and Penology kasunod kan impormasyon na igwang assistant si Romualdez sa laog kan detention facility.
Si Romualdez nahahampang sa 7.44-billion pesos na plunder case manungod sa mga government infrastructure project.
