Doon na inalmahan ni Ombudsman Jesus Crispin Boying Remulla an suboot pagkakaigwa ni dating House Speaker Martin Romualdez nin personal assistant sa laog nin kulungan.
Segun saiya, ipinagbabawal an arog kaining set up asin biberipikahon niya muna an impormasyon na enot nang inamin ni New Quezon City Jail Male Dormitory Warden Maria Lourdes Pacion sa Sandiganbayan.
Kun mapatunayan an pananagutan kan mga opisyal na imbwelto, dai siya magduwa-duwang halion sinda sa serbisyo.
Inamin ni Remulla na ngunyan sana niya nadangog an manungod sa pagkakaigwa nin personal assistant sa laog nin kulungan.
Tangani personal na masuri kun igwang iregularidad, inanunsyo niya an plano na magsagibo nin surprise visit sa mga pasilidad kan kulungan.
Pokus kan inspeksyon na mahiling kun igwang special treatment sa laog asin panaguton an imbwelto asin nakipagsabwatan na mga opisyal.
