LEGAZPI CITY-Inilipat na si dating House Speaker Martin Romualdez gikan sa Cardinal Santos Medical Center kan Sabado, Setyembre 12, pasiring sa University of the Philippines–Philippine General Hospital (UP-PGH) ngani na magsairarom sa independienteng medical examination na ipinagboot kan Sandiganbayan.
Si Romualdez naka-confine sa Cardinal Santos poon pa kan Lunes, kan siya arestaron sa nasabing ospital makalihis na magpaluwas nin warrant of arrest an Sandiganbayan katakod kan ₱7.44-billion na plunder case.
Nakatalaan na magsagibo nin hearing an Sandiganbayan sa Lunes nganing madeterminaran kun kaipuhan pang magtenir si Romualdez sa ospital, basado sa resulta kan eksaminasyon kan UP-PGH medical team.
Sinangatan na nin kaso kan Ombudsman si Romualdez, si dating Ako Bicol Rep. Zaldy Co, asin an duwang iba pa.
Segun sa alegasyon, si Romualdez and Co, may kinaaraman suboot ini sa pagresibe nin komisyon, shares, kickbacks asin iba pang financial benefits hale sa mga maanomalyang flood control projects.
