Nahihling na harani nang maisunad kan Office of the Ombudsman an mga kasong kriminal laban kay Senator Loren Legarda asin Batangas Representative Leandro Leviste katakod kan dae na-deliver na suplay kan kuryente kan solar company ni Leviste.
Segun ki Ombudsman Jesus Crispin Remulla, harani nang maisunad an mga kaso, alagad nagsayuma ining magtao nin eksaktong petsa kun nuarin ini isasagibo.
Pigdoon ni Remulla na nakabatay sa ebidensiya an lakdang kan saiyang ofisina asin bako ini sarong klase nin pampulitikang pag-uusig.
Kabale sa mga pigsusuri an suboot conflict of interest asin mga transaksyon kan kumpanya, kabale an pagpabakal kaini asin paglilipat nin mga prangkisa. Sinabi man niyang maluwas man sindang mga report katakod kan mga ini.
Kinontra man ni Remulla ang pananaw na warang basehan an mga kasong pighahanda kontra sa mag-ina. Segun saiya, dae nakakatabang sa saindang lado an haloy na pagtitinir ninda sa ibang nacion.
Sinaysay pa kan Ombudsman na dapat hampangon kan mga imbuelto an mga kasong isusunad kontra sanda imbes na maglikay sa proseso kan ley.
Siring man, dae pa naisusunad an mga kasong pigtutukoy ni Remulla asin an mga pahayag an bako boot-sabihon napatunayan na an anumang paninimbagan ninda Legarda asin Leviste.
