LEGAZPI CITY-Isinairarom kan Office of the Ombudsman sa mahiwasang lifestyle check an nasa 107 opisyales kan gobyerno.
Kinumpirmar ni Ombudsman Jesus Crispin Remulla sa ginibong budget hearing sa Kamara de Representantes na kadaklan sa mga pig-eeksamin na opisyal hale sa mga income-generating agencies arog kan Land Transportation Office (LTO), Bureau of Customs (BOC), asin Bureau of Internal Revenue (BIR).
Piglalaoman na madudugangan pa an numero mantang padagos an pagtipon nin impormasyon kan mga imbestigador kontra sa mga nagpapayaman sa saindang mga posisyon.
An lakdang na ini kasunod kan pagboot ni Presidente Ferdinand Marcos Jr. na buhayon asin pakusugon an mga lifestyle checks sa mga empleyado kan gobierno.
An direktiba isinagibo makalihis na madiskubre an pagkaimbwelto kan nagkapirang opisyal sa mga anomalya sa transaksyon sa mga flood control projects sa nacion.
An katuyuhan kan pagrepaso iyo na determinaran kun igwang maluhong estilo nin pamumuhay asin mga pagsadiri kan mga opisyales na dai nagtutugma sa saindang opisyal na kita asin ipinahayag na Statement of Assets, Liabilities, and Net Worth (SALN).
