LEGAZPI CITY-Nagpatanid an Office of the Ombudsman sa mga opisyales kan gobIerno kontra sa paggamit kan mga alokasyon nin gasolina na para sa mga behikulo kan gobIerno sa saindang mga personal na behikulo.
Segun ki Ombudsman Jesus ‘Boying’ Remulla, nakakaraot sa imahe kan gobierno an siring na mga aksyon.
Sinabi niya na dai tutugotan kan ahensya an mga gawi arog kan ‘siphoning’ kan gasolina, pag-refuel nin mga non-government vehicles, asin pagpalsipikar nin mga resibo.
An siisay man na opisyal kan gobierno na mapatunayan na nagkasala sa siring na mga gawi, mahahampang sa mahigot na penalidad.
Ini an pig-anunsyo ni Remulla kasunod kan pagkaka-dismisse ni Bohol Provincial Board Member Vierna Mae Boniel-Maglasang huli sa two counts of serious honesty.
