LEGAZPI CITY-Kinumpirmar kan Office of the Ombudsman na nakaresibe na ini nin referral hale sa National Bureau of Investigation (NBI) manungod sa imbestigasyon kan sa Statement of Assets, Liabilities, and Net Worth (SALN) ni Bise Presidente Sara Duterte.
Segun sa Ombudsman, isasairarom sa inisyal na evaluation an referral asin an kaibang mga dokumento ngani na madeterminaran an magkakanigong aksyon.
Pwedesir na kaiba digdi an paggibo nin dugang pang imbestigasyon, kun kinakaipuhan susog sa ley.
Inaasegurar man an publiko na an bagay na ini aasikasohon nin daeng kinakampihan, na warang affiliation sa politika.
Magigirumduman na an pag-refer kan NBI sa Ombudsman, nag-ugat sa pagkadiskubre kan suboot mga discrepancies manungod sa mga assets na pigdeklara sa SALN ni Bise Presidente Duterte.
Kasunod kan imbestigasyon, ipinadara kan opisina sa Tanodbayan pagkatapos na mamidbid an pagkakaiba sa pag-ultanan kan ipinahayag na kantidad kan mga propyedad kumpara sa aktwal na ‘assessed value’ kan mga ini.
