LEGAZPI CITY-Laoman an mainit asin magayon na panahon sa mga masunod na semana sa kabikolan.
Segun kay State Weather Bureau Jaime Bordales, sa intrevista kan Bombo Radyo Legazpi, na klarado an Philippine Area of Responsibility (PAR) asin laoman na warang maraot na panahon na makakaapektar sa nacion.
Mamamatian man an southwest monsoon o hanging habagat sa Northern Luzon asin sa Bicol Region, bahagyang magkakaigwa nin mapanganuron na kalangitan, mga biriglaan na paguran, pakikilat o mga localized thunderstorms, alagad hababa an tsansa an pagdevelop kaini sa rehiyon.
Laoman man an nasa 24 hasta 32 degree celsius na temperatura sa rehiyon.
Sa kadagatan sa kabikolan, laoman an banayad na mga paghukol.
Sa mga magpapalaot na ligtas na magpasiring sa alagad magbantay asin magiwas sa mga areas na igwang kalat-kalat na thunderstorm o kikilat na pwedisir makabilog nin duros asin hukol.
Sa masunod na aldaw laoman an magayon na panahon sa bicol region kung sain pwedisir samantalahon an mga outdoor activities.
Mensahe man kan opisyal sa publiko na magigin marhay an panahon asin maglikay sa posibleng mga extreme heat incidents huli sa magigin posible man ini sa presenteng panahon, asin padagos na magantabay sa mga abiso kan PAGASA.
