LEGAZPI CITY-Mahigot na pinagbabantayan kan gobyerno kan Pilipinas an suboot pagkakaigwa nin mga bagong istruktura sa Bajo de Masinloc o sa Scarborough Shoal.
Segun ki Defense Secretary Gilberto Teodoro Jr., nagtetenir na “dynamic” o marikas an pagbabago kan sitwasyon sa rehiyon.
Maski pa diit sana an mga aktibidad sa nasambitang lugar, padagos an pagbabantay kan lado kan nacion.
Magigirumdoman na poon pa kan 2012, nasa irarom kan kontrol kan China an shoal sa ibong kan 2016 ruling, kun saen pinawarang bisa kan Permanent Court of Arbitration an mahiwasang “9-dash line” claim kan ng China.
Idineklara an shoal bilang sarong tradisyonal na lugar para sa fishing ground na dapat malayang nakakalog an mga parasisira.
Mahihiling an shoal sa rayong 124 nautical miles hale sa Zambales, na malinaw na nasa laog kan 200-nautical mile Exclusive Economic Zone (EEZ) kan Pilipinas.
