Mas nagkusog pa an Bagyong Domeng mantang naghihiro sa laog kan teritoryo kan Pilipinas, basado sa datos kan Philippine Atmospheric, Geophysical and Astronomical Services Administration (PAGASA).
Sa pinakahuring tropical cyclone bulletin, sinabi kan ahensya na saro nang severe tropical storm an nasabing raot nin panahon.
Huring namataan an bagyo sa rayong 95Km/h kilometro sirangan kan East of Northern Luzon, na may kusog nin paros na 95 kilometers per hour (km/h) asin pagbugso na hasta 115 km/h.
Alagad sadit an posibilidad na direktang maka apektar an bagong Domeng sa kamugtakan kan panahon sa masunod na 24 oras.
Posible suboot kaining pakusugon an southwest monsoon o habagat na posibleng magkawsa nin makukusog na pag-uran sa kanlurang parte kan nacion, puon sa Domingo, Mayo 31.
Sa ibong kaini, sinabi kan weather bureau na dae pinaglalaoman na magla-landfall an bagyo sa anuman na parte kan nacion.
