Namantenir kan Tropical Storm Jangmi an kusog kaini maski pa bahagyang nagbagal an paghiro mantang nasa luwas pa kan Philippine Area of Responsibility (PAR).
Basado sa weather bulletin kan state weather bureau na huring namataan an raot nin panahon sa 1,195 kilometro sirangan kan Eastern Visayas bandang alas-3 nin maagahon.
Igwa ining maximum sustained winds na 65 km/h harani sa sentro asin pagbugso na maabot sa 80 km/h.
Oras na maglaog na sa nacion, aapudon ining bagyong “Domeng.”
Segun sa PAGASA na posibleng magpadagos an kusog kaini asin posibleng umabot sa typhoon category sa Sabado, Mayo 30.
Pinaglalaoman man an peak intensity sa pagultangan kan Sabado asin Domingo mantang nasa Philippine Sea antes padiit diit na magluya.
Siring man, sinabi kan weather bureau na “less likely” na tumama sa daga an bagyo huli sa pagbabago kan forecast track.
