LEGAZPI CITY-Nagbutas sa saiyang puwesto an South Korean Education Minister na si Choi Kyo-jin makalihis an exam cheating scandal sa South Korea

Sinabi niya na inako niya an bilog na responsibilidad para sa gabos na nagdara sa pandadaya na gamit an AI sa taunan na eksaminasyon sa paglaog sa kolehiyo kan Huwebes, na midbid bilang “Suneung”.

Sarong semana na an nakaagi, an pinakahalangkaw na marka sa national examination sa tax accountancy, nag-admitir na naggagamit nin mini-camera, mobile phone asin mga AI tools.

Ini an nagbusol sa mga opisyal na humiro nin apurado nganing mahiling an mga natatagong mga devices, kabali an pagpadara nin mga mergency alert sa lambang mobile phone sa nacion.

An “Suneung”, sarong eksaminasyon na minaabot nin siyam na oras nganing matapos, asin ini igwa nin dakulang papel sa career kan milyong mga taga-South Korea.