Arestado kan Bureau of Immigration (BI) ang dayuhan sa sarong operasyon laban sa suboot parcel scam hub sa Pasay City kan Nobyembre 20.
Kabale sa mga naarestar an siyam na Japanese, duwang Taiwanese, apat na Chinese asin duwang Indian nationals. Duwa sa mga ini an binistong Japanese fugitives na sina Yuto Takahashi, asin Matsumoto Shohei, sa tabang kan Japan National Police Agency.
Modus kan sindikato ang pagpapanggap bilang courier personnel na nagsasabing may ilegal na laog an sarong parcel na pigkokonektar sa biktima. Pagkatapos, ililipat an apod sa mga pekeng pulis na mananakot nin pag-aresto o pag-freeze kan saindang mga pagrugaring asin ieengganyaron na maglipat nin kwarta sa suboot “safe” o “verification account.”
Segun ki BI Commissioner Joel Anthony M. Viado, pahihigoton kan ahensya ang operasyon laban sa mga dayuhang kriminal na naggagamit sa Pilipinas bilang base kan mga transnational scam.
Presenteng nakadetine an mga naarestong dayuhan sa BI Warden Facility sa Taguig City mantang nagpapadagos an imbestigasyon asin magkakanigong immigration proceedings.











